(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

॥ శ్రీః ॥
12.335. అధ్యాయః 335
Mahabharata - Shanti Parva - Chapter Topics
జనకాభ్యనుజ్ఞాతేన శుకేన వ్యాసమేత్య స్వస్య జనకేన సహ సంవాదప్రకారకథనం॥ 1॥ వ్యాసస్య వైశంపాయనాదిభిః సహ సంవాదః॥ 2॥
Mahabharata - Shanti Parva - Chapter Text

భీష్మ ఉవాచ। 12-335-0x(6549)(79019)
ఏతచ్ఛ్రుత్వా తు వచనం కృతాత్మా కృతనిశ్చయః।
ఆత్మనాఽఽత్మానమాస్థాయ దృష్ట్వా చాత్మానమాత్మనా॥ 12-335-1(79020)
కృతకార్యః సుఖీ శాంతస్తూష్ణీం ప్రాయాదుదఙ్భుఖః।
శైశిరం గిరిముద్దిశ్య సధర్మా మాతరిశ్వనః॥ 12-335-2(79021)
ఏతస్మిన్నేవ కాలే తు దేవర్షిర్నారదస్తథా।
హిమవంతమియాద్దుష్టుం సిద్ధచారణసేవితం॥ 12-335-3(79022)
తమప్సరోగాకీర్ణం గీతస్వననినాదితం।
కిన్నరాణాం సహస్రైశ్చ భృంగరాజైస్తథైవ చ॥ 12-335-4(79023)
మద్గుభిః ఖంజరీటైశ్చ విచిత్రైర్జీవజీవకైః॥ 12-335-5(79024)
చిత్రవర్ణైర్మయూరైశ్చ కేకాశతవిరాజితైః।
రాజహంససమూహైశ్చ హృష్టైః పరభృతైస్తథా॥ 12-335-6(79025)
పక్షిరాజో గరుత్మాంశ్చ యం నిత్యమధితిష్ఠతి।
చత్వారో లోకపాలాశ్చ దేవాః సర్షిగణాస్తథా॥ 12-335-7(79026)
తత్ర నిత్యం సమాయాంతి లోకస్య హితకాంయయా।
విష్ణునా యత్ర పుత్రార్థే తపస్తప్తం మహాత్మనా॥ 12-335-8(79027)
తత్రైవ చ కుమారేణ బాల్యే క్షిప్తా దివౌకసః।
శక్తిర్న్యస్తా క్షితితలే త్రైలోక్యమవమన్య వై॥ 12-335-9(79028)
తత్రోవాచ జగత్స్కందః క్షిపన్వాక్యమిదం తదా।
యోఽన్యోస్తి మత్తోఽభ్యధికో విప్రా యస్యాధికం ప్రియాః॥ 12-335-10(79029)
యో బ్రహ్మణ్యో ద్వితీయోఽస్తి త్రిషు లోకేషు వీర్యవాన్।
సోభ్యుద్ధరత్విమాం శక్తిమథవా కంపయత్వితి॥ 12-335-11(79030)
తచ్ఛుత్వా వ్యథితా లోకాః క ఇమాముద్ధరేదితి।
అథ దేవగణం సర్వం సంభ్రాంతేంద్రియమానసం॥ 12-335-12(79031)
అపశ్యద్భగవాన్విష్ణుః క్షిప్తం సాసురరాక్షసం।
కింన్వత్ర సుకృతం కార్యం భవేదితి విచింతయన్॥ 12-335-13(79032)
అనామృష్య తతః క్షేపమవైక్షత చ పావికం।
సంప్రగృహ్య విశుద్ధాత్మా శక్తిం ప్రజ్వలితాం తదా॥ 12-335-14(79033)
కంపయామాస సవ్యేన పాణినా పురుషోత్తమః।
శక్త్యాం తు కంప్యమానాయాం విష్ణునా బలినా తదా॥ 12-335-15(79034)
మేదినీ కంపితా సర్వా సశైలవనకాననా।
శక్తేనాపి సముద్ధర్తుం కంపితా సాఽభవత్తదా॥ 12-335-16(79035)
రక్షితా స్కందరాజస్య ధర్షణా ప్రభవిష్ణునా।
తాం కంపయిత్వా భగవాన్ప్రహ్లాదమిదమబ్రవీత్॥ 12-335-17(79036)
పశ్య వీర్యం కుమారస్య నైతదన్యః కరిష్యతి।
సోఽమృష్యమాణస్తద్వాక్యం సముద్ధరణనిశ్చితః॥ 12-335-18(79037)
జగ్రాహ తాం తదా శక్తిం న చైనామభ్యకంపయత్।
నాదం మహాంతం ముక్త్వా స మూర్చ్ఛితో గిరిమూర్ఘని॥ 12-335-19(79038)
విహ్వలః ప్రాపతద్భూమౌ హిరణ్యకశిపోః సుతః।
తత్రోత్తరాం దిశం గత్వా శైలరాజస్య పార్శ్వతః॥ 12-335-20(79039)
తపోఽతప్యత దుర్ఘర్షం తాత నిత్యం వృషధ్వజః।
పావకేన పరిక్షిప్తం దీప్యతా యస్య చాశ్రమం॥ 12-335-21(79040)
ఆదిత్యపర్వతం నామ దుర్ఘర్షమకృతాత్మభిః।
న తత్ర శక్యతే గంతుం యక్షరాక్షసదానవైః॥ 12-335-22(79041)
దశయోజనవిస్తారమగ్నిజ్వాలసమావృతం।
భగవాన్పావకస్తత్ర స్వయం తిష్ఠతి వీర్యవాన్॥ 12-335-23(79042)
సర్వాన్విఘ్నాన్ప్రశమయన్మహాదేవస్య ధీమతః।
దివ్యం వర్షసహస్రం హి పాదేనైకేన తిష్ఠతః॥ 12-335-24(79043)
దేవాన్సంతాపయంస్తత్ర మహాదేవో మహావ్రతః।
ఐంద్రీం తు దిశమాస్థాయ శైలరాజస్య ధీమతః॥ 12-335-25(79044)
వివిక్తే పర్వతతటే పారాశర్యో మహాతపాః।
వేదానధ్యాపయామాస వ్యాసః శిష్యాన్మహాతపాః॥ 12-335-26(79045)
సుమంతుం చ మహాభాగం వైశంపాయనమేవ చ।
జైమినిం చ మహాప్రాజ్ఞం పైలం చాపి తపస్వినం॥ 12-335-27(79046)
ఏభిః శిష్యైః పరివృతో వ్యాస ఆస్తే మహాతపాః।
తత్రాశ్రమపదం రంయం దదర్శ పితురుత్తమం।
ఆరణేయో విశుద్ధాత్మా నభసీవ దివాకరః॥ 12-335-28(79047)
అథ వ్యాసః పరిక్షిప్తం జ్వలంతమివ పావకం।
దదృశే సుతమాయాంతం దివాకరసమప్రభం॥ 12-335-29(79048)
అసజ్జమానం వృక్షేషు శైలేషు విషయేషు చ।
యోగయుక్తం మహాత్మానం యథా బాణం గుణచ్యుతం॥ 12-335-30(79049)
సోఽభిగంయ పితుః పాదావగృహ్ణాదరణీసుతః।
యథోపజోషం తైశ్చాపి సమాగచ్ఛన్మహామునిః॥ 12-335-31(79050)
తతో నివేదయామాస పిత్రే సర్వమశేషతః।
శుకో జనకరాజేన సంవాదం ప్రీతమానసః॥ 12-335-32(79051)
ఏవమధ్యాపయఞ్శిష్యాన్వ్యాసః పుత్రం చ వీర్యవాన్।
ఉవాస హిమవత్పృష్ఠే పారాశర్యో మహామునిః॥ 12-335-33(79052)
తతః కదాచిచ్ఛిష్యాస్తం పరివార్యావతస్థిరే।
వేదాధ్యయనసంపన్నాః శాంతాత్మానో జితేంద్రియాః॥ 12-335-34(79053)
వేదేషు నిష్ఠాం సంప్రాప్య సాంగేష్వపి తపస్వినః।
అథోచుస్తే తదా వ్యాసం శిష్యాః ప్రాంజలయో గురుం॥
శిష్యా ఊచుః। 12-335-35(79054)
మహతా తేజసా యుక్తా యశసా చాపి వర్ధితాః।
ఏకం త్విదానీమిచ్ఛామో గురుణాఽనుగ్రహం కృతం॥ 12-335-36(79055)
ఇతి తేషాం వచః శ్రుత్వా బ్రహ్మర్షిస్తానువాద హ।
ఉచ్యతామితి తద్వత్సా యద్వః కార్యం ప్రియం మయా॥ 12-335-37(79056)
ఏతద్వాక్యం గురోః శ్రుత్వా శిష్యాస్తే హృష్టమానసాః।
పునః ప్రాంజలయో భూత్వా ప్రణంయ శిరసా గురుం॥ 12-335-38(79057)
ఊచుస్తే సహితా రాజన్నిదం వచనముత్తమం।
యది ప్రీత ఉపాధ్యాయో ధన్యాః స్మో మునిసత్తమ॥ 12-335-39(79058)
కాంక్షామస్తు వయం సర్వే వరం దత్తం మహర్షిణా।
పష్ఠః శిష్యో న తే ఖ్యాతిం గచ్ఛేదత్ర ప్రసీద నః॥ 12-335-40(79059)
చత్వారస్తే వయం శిష్యా గురుపూత్రశ్చ పంచమః।
ఇహ వేదాః ప్రతిష్ఠేరన్నేష నః కాంక్షితో వరః॥ 12-335-41(79060)
శిష్యాణాం వచనం శ్రుత్వా వ్యాసో వేదార్థతత్త్వవిత్।
పరాశరాత్మజో ధీమాన్పరలోకార్థచింతకః॥ 12-335-42(79061)
ఉవాచ శిష్యాంధర్మాత్మా ధర్ంయం నైఃశ్రేయసం వచః।
బ్రాహ్మణాయ సదా దేయం బ్రహ్మ శుశ్రూషవే తథా॥ 12-335-43(79062)
బ్రహ్మలోకే నివాసం యో ధ్రువం సమభికాంక్షతే।
భవంతో బహులాః సంతు వేదో విస్తార్యతామయం॥ 12-335-44(79063)
నాశిష్యే సంప్రదాతవ్యో నావ్రతే నాకృతాత్మని।
ఏతే శిష్యగుణాః సర్వే విజ్ఞాతవ్యా యథార్థతః।
నాపరీక్షితచారిత్రే విద్యా దేయా కథంచన॥ 12-335-45(79064)
యథా హి కనకం శుద్ధం తాపచ్ఛేదనికర్షణైః।
పరీక్షేత తథా శిష్యానీక్షేత్కులగుణాదిభిః॥ 12-335-46(79065)
న నియోజ్యాశ్చ వః శిష్యా అనియోగే మహాభయే।
యథామతి యథాపాఠం తథా విద్యా ఫలిష్యతి॥ 12-335-47(79066)
సర్వస్తరతు దుర్గాణి సర్వో భద్రాణి పశ్యతు।
శ్రావయేచ్చతురో వర్ణాన్కృత్వా బ్రాహ్మణమగ్రతః॥ 12-335-48(79067)
వేదస్యాధ్యయనం హీదం తచ్చ కార్యం మహత్స్మృతం।
స్తుత్యర్థమిహ దేవానాం వేదాః సృష్టాః స్వయంభువా॥ 12-335-49(79068)
యో నిర్వదేత సంమోహాద్బ్రాహ్మణాం వేదపారగం।
సోఽభిధ్యానాద్బ్రాహ్మణస్య పరాభూయాదసంశయం॥ 12-335-50(79069)
యశ్చాధర్మేణ విబ్రూయాద్యశ్చాధర్మేణ పృచ్ఛతి।
తయోరన్యతరః ప్రైతి విద్వేషం చాధిగచ్ఛతి॥ 12-335-51(79070)
ఏతద్వః సర్వమాఖ్యాతం స్వాధ్యాయస్య విధిం ప్రతి।
ఉపకుర్యాచ్చ శిష్యాణామేతచ్చ హృద్వి వో భవేత్॥ ॥ 12-335-52(79071)

ఇతి శ్రీమన్మహాభారతే శాంతిపర్వణి మోక్షధర్మపర్వణి పంచత్రింశదధికత్రిశతతమోఽధ్యాయః॥ 335॥

Mahabharata - Shanti Parva - Chapter Footnotes

12-335-2 శైశిరం గిరిం హిమాలయం॥ 12-335-4 సహస్రైశ్చ రాజహఁసైస్తథైవ చేతి డ. పాఠః॥ 12-335-24 ఆసీదితి శేషః॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.